Në këtë kohë varroset trupi i policit Malësor Dashi

Polici që u gjet pasditen e djeshme në Lepenc, Malësor Dashi, do të varroset sot në varrezat e Stagoves në Kaçanik.
Lajmin e ka konfirmuar për Express zëdhënësi i Policisë së Kosovës për Rajonin e Ferizajt, Agim Gashi.

“Jemi të njoftuar se sot do të varroset”, tha ai.

Malësor Dashi u gjet dje pasdite në lumin Lepenc, dhe trupi i tij menjëherë është dërguar për autopsi, por rezultatet e autopsisë ende nuk dihen se kur do të dalin.

Gashi konfirmoi se varrimi do të behët në orën 16:00 në varrezat e Stagoves në Kaçanik.